Најсовремена противпожарна станица во западна Германија, која беше завршена минатата година, изгоре до темел бидејќи не беше опремена со противпожарен аларм.
Градот Стадендорф пред помалку од една година со гордост ја претстави новата станица, за која беа потрошени десетици милиони евра, но вчера наутро службите за итна помош беа алармирани за пожар кој избувнал во возило и брзо се проширил на целата зграда, објави Гардијан.
Околу 170 пожарникари се бореа со пожарот, вклучително и членови на локалната доброволна противпожарна бригада.
Нема повредени, иако уништени се 10 противпожарни возила.
Зградата немаше противпожарен аларм, а јавноста е збунета кога дознава дека тоа не е законско барање.
Причината за пожарот допрва треба да се утврди, но првичните извештаи сугерираат дека полначот на батериите можеби се прегреал.
Кога станицата се отвори, локалниот весник „Оберхесише Пресе“ објави за неа како „модерна, иновативна и најсовремена“ противпожарна станица.