Аеродромот Данедин во Нов Зеланд предизвика дебата ширум светот со нов знак кој ги ограничува прегратките во полето за поаѓање на три минути.
Во исто време, знакот им кажува на патниците „да го користат паркингот за повеќе искрени збогуми“.
Извршниот директор на аеродромот Данидин, Даниел Де Боно, говорејќи на оваа тема за новозеландската радио станица RNZ, рече дека аеродромите се опишани како „емотивни жаришта“.
Тој укажа на студијата која сугерира дека прегратката од 20 секунди е доволна за да предизвика излив на „хормонот на љубовта“ окситоцин и дека побрзиот проток на патници и придружници им овозможува на повеќе луѓе да добијат повеќе прегратки, објави Си-Ен-Ен.
Паркингот на аеродромот Данедин, каде Де Боно призна дека тимот на персоналот „видел некои интересни работи низ годините“, дозволува бесплатна посета од 15 минути, при што секој престој подолг од тој бара дополнителен надомест.