Железниот трон од култната серија „Игра на тронови“ е купен на аукција за речиси милион и пол долари на тридневна распродажба во Тексас, а нови сопственици добија и легендарните костими и оружје.
Аукцијата ја организираше американската аукциска куќа „Херитиџ“ од Далас, Тексас.
Железниот трон, продаден за 1,49 милиони долари, тежи околу 140 килограми, долг е околу 165 сантиметри, широк повеќе од два метри и висок околу 160 сантиметри, а се користи за промотивни турнеи низ светот.
Престолот е направен од оригиналниот пластичен трон кој се користел за заштита со обоена метална завршница и украси со скапоцени камења за да личат на држачите на поранешните кралски мечеви.
„Железниот трон е престол на освојувачите, направен од мечевите на поразените непријатели и е симбол на освојување“, изјави креаторот на „Игра на тронови“.
Портпаролот на аукциската куќа „Херитиџ“ изјави дека Железниот трон е недвосмислено најпосакуваниот објект на поп културата.
„Може да му конкурира само командното столче на капетанот Кирк од „Ѕвездени патеки“. Железниот трон е исто така најпосакуваниот предмет во епската фантазија на Џорџ Р.Р. Мартин и катализатор за целата историја на освојување и желбата за освојување“, рече портпаролот на американската аукциска куќа.