2024 година е престапна и има 366 дена, но што би се случило ако не го додадеме тој еден ден до февруари на секои четири години?
Секоја четврта година е престапна и наместо 365 дена има еден ден повеќе. Ова се случува поради една причина – за усогласување на календарот со соларниот календар.
Иако годината ја броиме како 365 дена, всушност на Земјата и треба малку повеќе од тоа за да направи круг околу Сонцето. Т.н една соларна година трае 365,24 дена, т.е. пет часа 48 минути и 56 секунди повеќе од она што го мериме со нашиот календар.
Еден ден на секои четири години е она што го прави овој циклус да одговара на датумот и да ги надополни речиси шест часа секоја година што календарот не ги препознава.
Што ако февруари не се продолжи за еден ден на секои четири години
Најкраткиот месец во годината добива уште еден ден на секои четири години и благодарение на тоа се одржува хармонијата на која сме навикнати – дека зимата е во декември, летото во август, а пролетта и есента се очекуваат во месеците во кои се сега.
Ако секоја четврта година не беше престапна – сето тоа досега ќе се сменеше. Само 700 години би биле доволни за целосно менување на календарот, па така на северната хемисфера летото би доаѓало во декември, а зимата во јуни, наместо обратно.
Освен тоа, да немаше престапни години, ниту рамноденицата ниту солициумот не би паднале на истите датуми како сега.
Сепак, додавањето на еден ден на секои четири години – промена воведена во 45 п.н.е од страна на императорот Јулиј Цезар како соларен календар, врз основа на египетскиот календар – претставуваше корекција што беше малку повеќе од потребна. Токму затоа папата Григориј XIII во 1582 година потпишал наредба со додавање на ден на секои четири години, освен во векови, т.е. оние што може да се поделат со 100.
На овој начин календарот станал уште попрецизен и го добил името Грегоријански во чест на папата Григориј.