По свечениот пречек на иконата во 17:00 часот пред храмот “Рождество на Пресвета Богородица” во Скопје на Богородичната икона Троеручица, во центарот на градот се одржа литија на која учествуваа стотици граѓани.
Со благослов на Блаженејшиот Архиепископ Охридски и Македонски Стефан, свештеномонасите Агатон Апостоловски, Атанасиј Арсоски и Иринеј Стефановски од Скопската епархија, од 18 до 20 септември 2024 година престојуваа во светогорскиот манастир Хиландар, со цел да ја преземат Богородичната икона “Троеручица”, а заедно со нив беа: Драган Сарески-Андрески, Бобан Богдановски-Андрески и Милчо Велков од Скопје.
