Минатата недела група крадци успеаја да украдат нови автомобили во вредност од околу два милиони австралиски долари (околу 1,2 милиони евра) од складиште во пристаништето во Мелбурн.
Кражбата се случила на 20 октомври во ноќните и раните утрински часови.
Според полицискиот извештај, двајца мажи и две жени упаднале во имотот исклучувајќи ги безбедносните системи и алармите. Успеале да одземат вкупно 45 нерегистрирани автомобили, а меѓу нив имало и возила од различни модели.
Меѓу украдените возила се издвојуваат 20 примероци на Honda Civic Type R, заедно со три Škoda Kamiq, пет Škoda Kodiaq, VW Golf R, три VW Tiguans, три Škoda Superbs, два Honda ZR-V, два GMW тенк 300, Honda Accord, два Honda CR -V и два Mercedes-Benz Sprinter.
Полицијата уапси еден од осомничените, 32-годишна жена, која сега се соочува со пријави за кражба, несовесно возење, поседување лажни регистарски таблички, возење без дозвола и поседување дрога. Уапсена е додека возела еден од украдените автомобили во блиската улица.
Од полицијата велат дека крадците со еден од украдените „спринтери“ успеале да пристапат до оградениот паркинг и да ги отстранат бетонските препреки. Сè уште не се знае начинот на кој ги стартувале возилата – односно не се знае дали имале клучеви или користеле некои пософистицирани методи.
Полицијата досега успеала да открие 21 од вкупно 45 украдени автомобили, а потрагата по останатите возила и крадци е во тек.